Zuzenekoa Enpresarean TB kanalean

Lotura kooperatibako Idoia Iradi eta Dani Hernandez izango ditugu Enpresarean TB kanalean. Zuzenekoa eskainiko dute ostiralean, martxoak 15, 11:00etan.

Foroan, Euskaraldia: aktibazioaz, elkarlanaz eta hizkuntza ohiturez

2018ko azaroaren 23tik abenduaren 3ra hizkuntza ohiturak aldatzeko itzelezko ariketa egin zen Euskal Herriko lurralde guztietan. 225.000 lagunek Euskaraldian parte hartu eta hizkuntza ohiturak aldatzeko prestutasuna azaldu zuten iaz. Hori horrela gerta zedin ehunka herritan eta entitatetan lan-taldeak sortu dira, lankidetzan oinarritutako lantaldeak.

Urtero bezala, aurten ere San Martin eguna ospatu dugu

Azken urtetan egin izan den moduan, aurten ere San Martin eguna ospatu dugu kultur parkean. Aurten igandea zenez, ospakizuna ostiralean egin genuen. Eguraldia lagun, 11:15etan genuen hitzordua lehen prestaketa lanak egiteko. Odolkia, txorizoa, tortilak, sagardoa, ardoa… ez zen deus ere falta izan lorategian ipini genituen mahaietan.

Anjel Lertxundiren “Otto Pette” klasikoaren lehen 25 urteak, hizpide foroan

  “Biharko klasiko bat” zela iragarri zuten editoreek 1994an, “Otto Pette” lehen aldiz argitara ematerakoan. Eta asmatu zuten, zinez.  Euskara batuak 50. urteurrena betetzen ari den honetan, aberasgarria gertatuko zaigu denoi gogoeta egitea bai “Otto Pette”k duela 25 urte euskal literaturari ekarri zionaz, bai -eta nagusiki- gaurko eta biharko irakurleari dakarkionaz eta ekarriko dionaz.

Apirilaren 26an, euskal kulturaren kontsumoa hizpide foroan

Euskal kultura kontsumitzeko ohiturari buruzko azterketa aurkeztu berri du Elkar fundazioak, Siadeco ikerketa etxearen eskutik. Euskal Herri osoa hartu dute aztergai, eta 2.500 inkesta egin dituzte herritarren irakurtzeko, musika entzuteko, liburuak eta diskoak erosteko eta telebista ikusteko dituzten joeretan sakontzeko.