Euskaldunon Egunkaria-k eta BERRIAk genero gaietan zer eragin izan duten ikertzeko, Martin Ugalde bekaren deialdia egin zuten 2017ko maiatzean Berria fundazioak, elkar Fundazioak, Jakin fundazioak eta Martin Ugalde kultur parkeak, Andoaingo Udalaren laguntzarekin.
Miner, Sarriugarte eta Altuna, Martin Ugalde bekaren irabazleak
Danele Sarriugarte, Kattalin Miner eta Maddi Altunak aurkeztutako ikus-entzunezko proiektua saritu du epaimahaiak. Urtebeteko epea eta 8.000 euro izango dituzte Euskaldunon Egunkaria-k eta BERRIAk genero gaietan zer eragin izan duten aztertzeko. Atzo jaso zuten saria, Martin Ugalde kultur parkean egindako ekitaldi batean.
Lorea Agirrek, Martin Ansok, Larraitz Ariznabarretak, Irene Arraratsek eta Beatriz Zabalondok osatuko dute Martin Ugalde Bekaren epaimahaia
Uztailaren 31n itxiko da 2017ko Martin Ugalde Bekarako lanak aurkezteko epea. Deialdiaren gaia da ‘Egunkaria, Berria eta generoa. Euskarazko egunkariak izan duen eragina genero gaietan: hizkuntza mailako ekarpena, gaien aukeraketa eta trataera, …’ da, eta idatzizko edo ikus-entzunezko formatuan aurkeztu daitezke lanak.
Zabalik da Martin Ugalde bekarako proiektuak aurkezteko epea
‘Egunkariak eta Berriak genero gaietan izan duten eragina ikertzeko aukera emango du aurtengo beka deialdiak. Uztailaren 31 arte aurkeztu daitezke proiektuak, eta irabazleak 8.000 euro jasoko ditu lana urtebeteko epean garatzeko. Nobedade bezala, aurten, bekaren emaitza idatzizko edo ikus-entzunezko euskarrian aurkezteko aukera izango da. Martin Ugalde kultur parkeak, Berria Fundazioak, elkar Fundazioak eta Jakin Fundazioak, […] Irakurri gehiago
Nazioa, euskara eta haien arteko loturak, aztergai
Joxe Azurmendi pentsalariak ‘Hizkuntza, nazioa, estatua’ saiakera liburu berria aurkeztu zuen atzo Martin Ugalde Klutur Parkean, Jakin-eko zuzendari Lorea Agirrek gidatuta. Historiarekin harilkaturik, xehe aztertu zituen hiru kontzeptuak eta haien arteko harremanak aretoa lepo bete zuten lagunen aurrean. Bere belaunaldiaren ildotik, nazioarei nahiz estatugintzari begira, hizkuntzak erdigunean behar duela defendatu zuen. Iturria: BERRIA […] Irakurri gehiago
Mahai-ingurua: Non dago emakumea ingurune digitalean?
PuntuEUS Behatokiak, Martin Ugalde kultur parkearekin elkarlanean, eta BERRIAren laguntzarekin, 2016ko euskararen osasun digitalari dagozkion datuak aurkeztuko ditu datorren martxoaren 6an, astelehenean parkeko areto nagusian. Ondoren, mahai inguru bat izango da emakumeek ingurune digitalean duten presentzia eta rola aztertzeko. Ekitaldia zuzenean jarraitu ahal izango da berria.eus webgunean.
Martxoaren 1ean, Joxe Azurmendi Martin Ugalde Foroan
Martxoarekin batera, solasaldia eskainiko du Joxe Azurmendik bere azken liburuaren ingurumarian, Hizkuntza, nazioa, estatua. Lorea Agirre Jakineko zuzendariak gidatuko du saioa Andoaingo Martin Ugalde kultur parkeko ekitaldi irekian. Ohikoan bezala, zuzenean jarraitu ahal izango da Berria.eus webgunean. Gonbidatuta zaudete gogoetaren plazara.
Hogeita hamar hedabidetako ordezkariak elkartu dira Facebookeko jarduna aztertzeko
Joan den ostiralean, hilaren 17an, 60 lagun inguru elkartu ziren Hekimenek antolatutako Facebooken inguruko jardunaldian. Euskal Herri osoko hogeita hamar hedabidetako kazetariak, komertzialak, kudeatzaileak eta teknikariak, gaur egun hedabideek duten erronka handienetako bati erantzun nahian: nola egin hedabideak eraginkorragoak sarean?
Odol-emate saioa izan dugu parkean
Guztira, parkeko hamazazpi lagunek eman dute odola, Gipuzkoako Odol Emaileen Elkarteak eta parkeak antolatutako lehen odol-emate saioan. Lurraldeko hemoterapikoei aurre egin ahal izateko, egunean 140 odol poltsa behar dira Gipuzkoan. Hori dela eta, Gipuzkoako Odol Emaileen Elkarteak odol-emate saioa antolatu zuen Martin Ugalde kultur parkean pasa den astelehenean. Parkeko 23 langile gerturatu ziren balio […] Irakurri gehiago
2015eko BEKA: epaimahaia
Martin Ugalde bekaren oinarrietan honela dio seigarren puntuak: “Bekaren deitzaileak diren eragileetako bakoitzak eta erakunde laguntzaileak izendatutako ordezkari banarekin osatuko da epaimahaia, eta 192.168.5.2/wwwkulturparkea/web helbidean jakinaraziko da, lanak bidaltzeko epea amaitu aurretik,nork osatuko duen.” Deitzaile diren Martin Ugalde kultur parkeak, Berria Fundazioak, Elkar Fundazioak eta Jakin Fundazioak, zein laguntzaile den Andoaingo udalak izendatu dituzte epaimahaikideak, […] Irakurri gehiago