berria

Erabakitzeko eskubidearen alde, kultur parkeko langileek Kataluniarekin bat egin zuten joan den urriak 25ean.

Irailak 2an itxiko da 2017ko Martin Ugalde Bekarako lanak aurkezteko epea. Deialdiaren gaia da ‘Euskal Herria euskal hedabideetan’ da, eta idatzizko edo ikus-entzunezko formatuan aurkeztu daitezke lanak.

Euskal Herriko hainbat txoko igaro ostean, EuskarAbenturako 121 gazteak Gipuzkoan sartu ziren hilaren 15an. Uztailak 18an Andoaina iritsi ziren, eta Martin Ugalden igaro zuten eguna, bertako hainbat eragilerekin esperientzia partekatuz.

Ekainak 14ean udaberriko festa ospatu genuen Etxe Txuriko goiko terrazan. Parkeko eragileei janaria eta edariak ekartzeko proposamena luzatu, eta hantxe gozatu genituen mota guztietako tortila, bizkotxo, errusiar entsalada, hummusa… ardo, txakolin eta sagardoz lagunduta! Eguerdiko hamabiak aldera hasi zen jendea bertaratzen, eta etxeko lagunez gain, Iturolako Elkalan Sorgunetik baita udaletxetik ere inguratu ziren hainbat lagun.

Emakume gorputzetik bertsoaren plazara sartzeak ekarri dituen ajeez eta aldaketez aritu dira Martin Ugalde foroan Uxue Alberdi, Miren Artetxe, Nerea Ibarzabal eta Jone Uria, Lorea Agirrek gidatuta.

Uxue Alberdiren “Kontrako eztarritik. Emakume bertsolarien testigantzak” liburua esku artean hartu, eta, Alberdi beraren, Jone Uriaren, Miren Artetxeren eta Nerea Ibarzabalen parte hartzearekin, bertso munduan emakume gorputzez sartzeak ze bortxa eta ze zigor dakartzan aztertuko dugu, eta, ikusi bortxa horren aurrean ahalduntzeko ze bide hasiak diren jorratzen bertsolariok.

Indarkeria sexualak mobilizazio jendetsuak eta eztabaida sakonak eragin ditu azken urteotan. Zer diskurtso/ikuspegi nagusitzen ari da? Nola ikusten du auzia feminismoak? Aleka bildumak kaleratu berri duen ’Nik sinesten dizut’ liburua hartuta aitzakia, eta sanferminetako bortxaketa abiapuntu, indarkeria matxista hiru ikuspegitatik aztertuko dugu Martin Ugalde foroan: hedabideak, mugimendu feminista eta erakundeak.

Heldu da helmugara 21. Korrika, eta Martin Ugalde Kultur parkeak aurten ere bere hazitxoa jarri nahi izan du euskararen aldeko ekimenean. Aurten Korrika gauez pasa da Andoaindik, apirilaren 12an goizeko 2:30 aldera zehazki. Kultur parkeak bere kilometroa izan du, eta hantxe izan zen lekukoaren zain Ioritz Luis Aranburu, parkeko atezaina.

“Tira ahala tira” ikus-entzunezkoa youtuben irekian dago ikusgai. Danele Sarriugarte, Kattalin Miner, Maria Maya eta Maddi Altunak Martin Ugalde bekaren laguntzarekin sortutako lana da.

Mugimendu feministak greba deialdia egin du aurten martxoaren 8rako; lan munduari ez ezik, hezkuntzari, pentsionistei, zaintzari eta kontsumoari ere lotutako lanuztearekin bat egin zuten Martin Ugalde kultur parkeko emakumeek ere. Eragile ezberdinetako emakumeak bilduta, neurri ezberdinak adostu ziren egun horretako erreibindikazioekin bat egiteko.