feminismoa

Haurdunaldia, erditzea, erdiondoa, umearen zaintza… tradizioz emakumeei egokitu zaizkien eginkizunak dira denak ere, batzuk biologiaren indarrez, beste batzuk gizartearen antolamenduaren ondorioz. Amatasuna instituzio gisa emakumezkoen autonomiarako muga, haien garapenerako traba eta askatasunerako oztopo izanik ere, ezin da ukatu, era berean, haur bat mundura ekartzea, bere zailtasun, min eta neke guztiekin ere, esperientzia guztiz eder eta […]

Emakume gorputzetik bertsoaren plazara sartzeak ekarri dituen ajeez eta aldaketez aritu dira Martin Ugalde foroan Uxue Alberdi, Miren Artetxe, Nerea Ibarzabal eta Jone Uria, Lorea Agirrek gidatuta.

Uxue Alberdiren “Kontrako eztarritik. Emakume bertsolarien testigantzak” liburua esku artean hartu, eta, Alberdi beraren, Jone Uriaren, Miren Artetxeren eta Nerea Ibarzabalen parte hartzearekin, bertso munduan emakume gorputzez sartzeak ze bortxa eta ze zigor dakartzan aztertuko dugu, eta, ikusi bortxa horren aurrean ahalduntzeko ze bide hasiak diren jorratzen bertsolariok.

Indarkeria sexualak mobilizazio jendetsuak eta eztabaida sakonak eragin ditu azken urteotan. Zer diskurtso/ikuspegi nagusitzen ari da? Nola ikusten du auzia feminismoak? Aleka bildumak kaleratu berri duen ’Nik sinesten dizut’ liburua hartuta aitzakia, eta sanferminetako bortxaketa abiapuntu, indarkeria matxista hiru ikuspegitatik aztertuko dugu Martin Ugalde foroan: hedabideak, mugimendu feminista eta erakundeak.

“Tira ahala tira” ikus-entzunezkoa youtuben irekian dago ikusgai. Danele Sarriugarte, Kattalin Miner, Maria Maya eta Maddi Altunak Martin Ugalde bekaren laguntzarekin sortutako lana da.

Mugimendu feministak greba deialdia egin du aurten martxoaren 8rako; lan munduari ez ezik, hezkuntzari, pentsionistei, zaintzari eta kontsumoari ere lotutako lanuztearekin bat egin zuten Martin Ugalde kultur parkeko emakumeek ere. Eragile ezberdinetako emakumeak bilduta, neurri ezberdinak adostu ziren egun horretako erreibindikazioekin bat egiteko.

«Egunkari batek, txikia izanda ere, mundua alda dezake». Bideoak harien jolasa erakutsi du. «Korapilo eta aingura. Harilkatu beharreko gaia da feminismoarena». «Feminismoa ez da amaitzen; ez da estadio bat, praktika bat baizik».

Euskaldunon Egunkaria-k eta BERRIAk genero gaietan zer eragin izan duten ikertzeko, Martin Ugalde bekaren deialdia egin zuten 2017ko maiatzean Berria fundazioak, elkar Fundazioak, Jakin fundazioak eta Martin Ugalde kultur parkeak, Andoaingo Udalaren laguntzarekin.

‘Feminismoa eta politikaren eraldaketak’ liburuan mamituriko gaien inguruan aritu zen atzo Mari Luz Esteban antropologoa Martin Ugalde Foroan. Hamarkada luzeetan zehar egindako ibilbideak, eta bide horretako arrisku eta aukerak izan zituen ardatz ordubeteko solasaldian. Ondoren, galderen txandan, gogotsu parte hartu zuen publikoak, eztabaida interesgarriak sortuz. Besteak beste, “feminista anonimoen” beharra azpimarratu zuen.  

Mari Luz Esteban EHUko antropologo eta irakasleak azken boladan aztergai izan dituen euskal feminismoaren ezaugarri, eraldaketa eta erronkak xehatuko ditu Martin Ugalde Foroaren beste saio batean. Mugimenduaren argi-ilunak, emandako pausoak eta kezkak ezagutuko ditugu, Euskal Herriko feminismoan erreferentea den ikerlariaren eskutik. Saioa zuzenean ikusi ahal izango da berria.eus webgunean.