Euskararen biziberritze prozesuan erakunde eta norbanako ugari egon da inplikaturik, eta ekimen berritzaile eta eraldatzaile ugari eskaini ditu. Duela bost hamarraldi hasitako bide hura testuinguru politiko eta sozial zailean abiatu zen, eta gaur egun arte iritsi da. Baina zerk bultzatu zituen pertsona eta erakunde horiek bide hau egitera? Balio eta oinarri sendoak egon dira hartutako erabakien atzean: elkarlana, demokrazia, konpromisoa, berdintasuna, erresilientzia eta burujabetasuna.

Balio horiek identifikatzeko, Elhuyarrek ikerketa proiektu bat garatu du. Horretarako, lanerako egon diren balioak eta aurrera egiteko gakoak izan diren hainbat egitasmo berritzaile identifikatu eta aztertu ditu Argian, Elkarren, Ikastolen Elkartean eta Elhuyarren.

Ikerketa honen emaitzak aurkeztuko dituzte Martin Ugalde foroan.

Parte hartzaileak:
Bego Zuza (Argia)
Joanmari Larrarte (Elkar)
Leire Cancio (Elhuyar)
Abel Ariznabarreta (Ikastolen Elkartea)
Gorka Espiau (Agirre Lehendakaria Center)
Gidariak: Jon Abril eta Imanol Azkue (Elhuyar)