Martin Ugalde foroan, euskalgintza eta administrazioa mintzo

Argazki berriak utzi ditu 2017ak euskalgintzaren arloan, eta euskararen egoerari buruzko azterketa ugari. Egitasmo berriak prestatzen ari dira 2018rako, eta elkarlan bideak zabaldu dira. 2017ak emandakoaz eta 2018an datorrenaz, egindakoaz eta egitekoaz, solasaldia egingo dute Miren Dobaran Eusko Jaurlaritzako Hizkuntza Politkarako sailburuordeak eta Paul Bilbao Kontseiluko idazkari nagusiak, azaroaren 30ean, 19:00etatik aurrera, Martin Ugalde kultur parkean. Garikoitz Goikoetxea […] Read More

Aurten ere, giroa nagusi Martin Ugalde egunean

Ohitura onei jarraiki, Martin Ugalde Eguna ospatu genuen pasa den ostiralean parkean.  Eta aurten ere, giro aparta izan genuen. Eguardiko 12:00ak aldera elkartu ginen parkeko hall-ean ‘hamabitakoa’ egiteko. San Martin eguneko ohiko jaki eta edariez gain, parkeko langileek eginiko sagar zukua eta gazta ere dastatu genituen. Baita ederki gozatu ere! Amaitzeko,  bertaratutakoek, guztion artean osatutako […] Read More

Miner, Sarriugarte eta Altuna, Martin Ugalde bekaren irabazleak

Danele Sarriugarte, Kattalin Miner eta Maddi Altunak aurkeztutako ikus-entzunezko proiektua saritu du epaimahaiak. Urtebeteko epea eta 8.000 euro izango dituzte Euskaldunon Egunkaria-k eta BERRIAk genero gaietan zer eragin izan duten aztertzeko. Atzo jaso zuten saria, Martin Ugalde kultur parkean egindako ekitaldi batean.

Azaroaren 8an izango da Martin Ugalde beka emateko ekitaldia

Datorren azaroaren 8an jakinaraziko da, asteazkenarekin, 2017ko Martin Ugalde bekaren proiektu sariduna. Ekitaldian, ‘Hedabideak eta generoa. Begira batzordea’ hitzaldia emango dute Izaskun Landaida Emakundeko zuzendariak, Alberto Barandiaran Hekimeneko zuzendariak eta Maite Asensio BERRIAko kazetariak. 19:00etatik aurrera izango da, Martin Ugalde kultur parkean. Ekitaldiaren ostean, elkarrekin mokadutxo bat hartzeko tartea izango dugu.   Gonbidatuta zaudete.

LANKU Bertso Zerbitzuak enpresak diseinatzaile-maketatzailea behar du

Egoitza kultur parkean duen LANKU BERTSO ZERBITZUAK enpresak diseinatzaile-maketatzaile bat kontratatzeko deialdia abiatu du. Interesa duenak Curriculum Vitae-a eta motibazio gutuna bidali beharko ditu urriaren 16a baino lehen lanku@lanku.eus helbidera. Posta arruntaz ere helarazi daitezke hautagaitzak, honako helbidera: Lanku Bertso Zerbitzuak, Martin Ugalde Kultur Parkea, 20140 Andoain.

Vicent Partal, Martin Ugalde Foroan «Espainiak probokatu du independentismoaren gorakada»

Martin Ugalde Foroan parte hartu zuen Vicent Partalek atzo, eta Martxelo Otamendi BERRIAko zuzendariak egindako galderak erantzun zituen. Bete egin zen Martin Ugalde Kultur Parkeko areto nagusia, eta, han bildutakoei, Vilaweb-eko zuzendariak adierazi zien, Espainiak judizialki zein polizialki jarritako oztopoak gorabehera, egin egingo dela urriaren 1eko galdeketa. Izan ere: «Nola eragotziko dute?».

Zabalik da Martin Ugalde bekarako proiektuak aurkezteko epea

‘Egunkaria’k eta ‘Berria’k genero gaietan izan duten eragina ikertzeko aukera emango du aurtengo beka deialdiak. Uztailaren 31 arte aurkeztu daitezke proiektuak, eta irabazleak 8.000 euro jasoko ditu lana urtebeteko epean garatzeko. Nobedade bezala, aurten, bekaren emaitza idatzizko edo ikus-entzunezko euskarrian aurkezteko aukera izango da.

Formakuntzarako elkarlana abiatu du parkeak Hernaniko elkarlan espazioarekin batera

Behar bateratuetatik abiatuta, #Haziolak izenpeko formakuntza saioei ekin diogu Martin Ugalde kultur parkean, Hernaniko elkarlan espazioarekin elkarlanean. Lehen saioan, sare sozialen estrategiaren inguruko ikastaroa jaso dugu TaPuntu Kooperatiba Elkarte Txikiaren eskutik, eta hamarkana lagun batu gara.   Formakuntza saio hauen helburua, kultur parkeko eta elkarlan espazioko eragile eta enpresa ezberdinen arteko jakintza partekatu, eta sareak […] Read More